غزل

ثریا حیا صاحبہ کی درج ذیل غزل ستمبر 2021 کے شمارے میں امجد غزالی صاحب کے نام کے ساتھ شائع ہوگئی.. اس غلطی کے لئے ہم ثریا حیا صاحبہ اور دیگر تمام قارئین سے معذرت خواہ ہیں... یہاں غزل اسکے اصل خالق کے نام کے ساتھ پڑھیئے اقر لطف لیجئے

غزل۔۔۔۔۔۔۔۔۔

جو ہست و بود کی منزل  سے ماوریٰ  ٹہرا

وہ عشق حسنِ  بصیرت  کی   انتہا    ٹہرا

فصیلِ  ذات   سے   نکلو   تو  جان   پاٶ گے

کسی   کا   درد   جو  اک  دردِ   لادوا   ٹہرا

وہ   قتلِ   عام    تھا    انبوہِ    آدمیت   کا

جو   اک خطا  کے  عوض  واجبی  سزا ٹہرا

کمان  وقت  کی   گر ہاتھ  سے پھسل جاۓ

تو  آٸینے  سے  ہر  اک عکس پھر  جدا  ٹہرا

مثالِ   گریہِ   شبنم   جو   تھا   سرِ  مژگاں

وہ  اشک   ہی  تو  شبِ  غم  کا مدعا  ٹہرا

یہ  میرا  دل  کہ حیا   کوچہِ  محبت  میں

کہیں   پہ  خاک  کہیں لعلِ   بے  بہا   ٹہرا

                          ثریا حیا

کراچی       پاکستان